१५२ जनामा काेराेना संक्रमणः संक्रमण निकाेहुने दर घट्दै, मृत्यु हुनेकाे संख्या ३ हजार ३१ पुग्याे

काठमाडौं, १९ चैत २०७७ ।

नेपालमा थप १५२ जनामा काेराेना संक्रमण पुष्टि भएकाे छ ।

पछिल्लाे २४ घण्टामा देशभरीका बिभिन्न प्रयाेगशालाहरूमा गरीएकाे परीक्षणमा थप १ सय ५२ जनामा काेराेना संक्रमण पुष्टि भएकाे हाे । ४ हजार २ सय १३ जनाको आरटीपीसीआर परीक्षण गरिएकोमा १ सय ५२ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएकाे छ ।

कोभिड १९ सम्बन्धी दैनिक बिवरण अद्यावधिक गर्दै पछिल्लो २४ घण्टामा १५२ जना काेराेना संक्रमित थपिएसँगै  नेपालमा काेराेना संक्रमितकाे कुल  संख्या दुई लाख ७७ हजार ४ सय ६१ पुगेको  मन्त्रालयले जनाएकाे छ ।

यस्तै पछिल्लो २४ घण्टामा ६५ जना काेराेना संक्रमित संक्रमण निकाे भएर घर फर्किएका छन् । याेसँगै नेपालमा काेराेना संक्रमण निकाेहुनेकाे कुल संख्या  दुई लाख ७२ हजार ८ सय ५१ पुगेकाे छ । सङ्क्रमित निको हुने दर पछिल्लो केही समय यता घट्दै गएको छ भने हाल काेराेना संक्रमण निको हुने दर ९८.३ प्रतिशत रहेकाे स्वास्थ्य तथा जनसंख्या मन्त्रालयले पुष्टि गरेकाे छ ।

साथै गत २४ घण्टामा थप एक जना काेराेना संक्रमितकाे मृत्यु भएकाे छ ।  याेसँगै नेपालमा काेराेना संक्रमणका कारण ज्यान गुमाउनेकाे संख्या ३ हजार ३१ जना पुगेकाे मन्त्रालयले जनाएकाे छ ।  हाल १ हजार ५ सय ७९ जना आइसोलेशनमा र ६३ जना क्वारेन्टाइनमा छन् । हालसम्म २२ लाख ७५ हजार ५ सय ४० जनाको आरटीपीसीआर परीक्षण गरिएको जनाइएकाे छ ।

याे सामग्री सेयर गर्नुहाेस्
  •  
  •  
  •  
  •  
  •  
  •  

प्रतिक्रिया दिनुहाेस्

ताजा समाचार

याे सामग्री सेयर गर्नुहाेस्
  •  
  •  
  •  
  •  
  •  
  •  

प्रतिक्रिया दिनुहाेस्