कैलाली, ३१ भदाै २०७८ ।
कैलालीको बर्दगोरिया गाउँपालिका १ मा रहेको दोदोधरा स्वास्थ्यचौकीले आर्थिक वर्ष २०७७/७८ मा प्रदान गरेका सेवा तथा प्रगतिबारे सार्वजनिक सुनुवाइ गरेको छ । बिहिवार एक कार्यक्रमका बिच कार्यालयले सरोकारवाला निकाय तथा स्थानीयसँग कार्यालयबाट प्रदान गरिने सेवा सुविधाको पारदर्शीता तथा जवाफदेहीताको बारेमा सार्वजनिक सुनाई तथा लेखा परीक्षणबारे जानकारी गराएको हो ।
कार्यक्रममा स्वास्थ्यचौकी इन्चार्ज नृप बहादुर विष्टले कार्यालयबाट नागरिकलाई प्रदान गरिने स्वास्थ्य सेवा तथा सुविधाका बारेमा जानकारी गराउदै गत आर्थिक वर्ष २०७७/७८ को आयव्यय विवरण सार्वजनिक गर्नुभयो । जसमा कार्यालयले १६ लाख ४८ हजार ९ सय ७३ आम्दानी गरेको कार्यालयले १० लाख ७ सय ९८ रुपैयाँ खर्च गरेको छ । भने ६ लाख ४८ हजार १७५ रुपैयाँ बचत गरेको उल्लेख छ ।
पछिल्लो समय स्वास्थ्य चौकीबाट सेवालिनेको सङ्ख्या उच्च देखिएता पनि दरबन्दीअनुसार स्वास्थ्यकर्मी नहुदा सेवा प्रवाहमा केही कठिनाइ हुँदै आएको पनि स्वास्थ्य चौकी इन्चार्ज विष्टले बताउनुभयो । साथै उहाँले स्वास्थ्य चौकीबाट नागरिकलाई प्रदान गरिने सेवा सुविधालाई अझ गुणस्तरीय र प्रभावकारी बनाउन आफुहरु लागिपरेको बताउनुभयो । उहाँले वडा नम्बर १ लाई कुपोषित रहित वडा घोषणाको तयारी,शुन्य होम डेलिभरी, विरामी कुरुवाको निम्ति आवास निर्माणजस्ता महत्त्वपूर्ण कामहरु स्थानीय सरकारसंगको सहकार्यमा गरिने बताउनुभयो ।
उहाँले सरकारले स्वास्थ्य क्षेत्रको दिगो विकासका लक्ष हासिल गर्न , स्वास्थ्य क्षेत्रबाट नागरिकलाई संवृद्धिमा पुर्यायाउन, स्वास्थ्य सेवामा अत्याधिक लगानी बढाउन, स्वास्थ्य संस्थाहरुको शासकीय व्यवस्थापकिय क्षमता अभिवृद्धि गर्ने ,सेवा प्रदायक कर्मचारीको मनोवल उत्प्रेरणा बढाउने , उपभोक्ताको अधिकारलाई सुनिश्चित हुने गरी स्वास्थ्य सेव प्रदान गर्नुपर्नेमा जोड दिनुभयो ।
कार्यक्रममा बर्दगोरिया गाउँपालिका स्वास्थ्य शाखा सिनियर अधिकृत मीन बहादुर धामीले स्वास्थ्य चौकीको सामाजिक परीक्षण प्रभावकारी भएको बताउदै नागरिकलाई शुसुचित गर्न सेवा प्रदाय निकायबाट यस्ता जवाफदेही कार्यक्रम अनिवार्य रहेको बताउनुभयो । उहाँले
कार्यक्रममा स्वास्थ्यचौकी व्यवस्थापन समिति तथा वडा नम्बर १ का वडा अध्यक्ष जयरुप खतिवडाले नागरिकको स्वास्थ्य सुरक्षाका निम्ति स्वास्थ्य क्षेत्रलाई अझै प्रभावकारी रुपमा सञ्चालनमा जोड दिनुका साथै आफ्नो स्थानबाट समेत सक्दो सहयोगको प्रतिबद्धता गर्नुभयो । उहाँले स्वास्थ्य सेवा जनसाधारणको लागि अत्यावश्यक सेवा भएकोले यस सेवालाई बढी सक्षम, सुक्ष्म, सेवामूलक र जनउत्तरदायी बनाउन आफुले स्थानीय स्तरदेखि पहल थाल्ने बताउनुभयो ।
प्रतिक्रिया दिनुहाेस्