जैमिनीमा काेराेना स्थिति भयावह, साेमबार ५ जना संक्रमित थपिए, यस्तो छ पछिल्लो विवरण

याे सामग्री सेअर गर्नुहाेस्

 

सुजन प्रेमी
बागलुङ, २४ जेठ २०७८ ।

बागलुङको जैमिनीमा सोमबार ५ जना कोरोना संक्रमित थपिएका छन् । ३० जनाको एन्टिजेन परिक्षण गर्दा ५ जनामा कोरोना पोजेटिभ देखिएको हो ।

कोरोना संक्रमण पुष्टि हुनेहरु सबै जैमिनी नगरपालिका वडा नं ७ जैदीका रहेको स्वास्थ्य शाखाका संयोजक गोविन्द प्रसाद आचार्यले जानकारी दिनुभयो ।

२०७८ सालको बैशाखदेखि अहिलेसम्म नगरपालिकाका पाँच सय ४४ जनाको नमूना परिक्षण भएको छ जसमध्ये दुईसय २९ जनामा संक्रमण देखिएको छ । संक्रमितमध्ये एकसय ६६ जना निको भएर नियमित काममा फर्किसकेका छन् ।

दोश्रो लहर सुरु भएसँगै परिक्षण गरिएकामध्ये चारसय चार जनाको पीसिआर परिक्षण भएको थियो भने एकसय ४० जनाको एन्टिजेन विधिबाट परिक्षण गरिएको थियो । पीसिआर विधिबाट परिक्षण गर्दा दुईसय पाँच जनामा कोरोना संक्रमण देखिएको छ भने एन्टिजेन विधिबाट गरिएको परिक्षणमा २४ जनामा कोरोना देखिएको छ ।

अहिले जैमिनी नगरपालिकामा ११३ जना कोरोनाका सक्रिय संक्रमितहरु रहेका छन् । वडा नं १ मा दुईजना, वडा नं २ मा तीनजना, वडा नं ६ मा ५९ जना, वडा नं ७ मा ३१ जना, वडा नं ८ मा १२ जना र वडा नं १० मा ६ जना सक्रिय संक्रमित रहेको स्वास्थ्य संयोजक आचार्यले बताउनुभयो । बाँकी वडाहरु अहिले संक्रमणमूक्त रहेका छन् । अहिले सक्रिय रहेका संक्रमितहरु सबै होम आइशोलेसनमा रहेका छन् । उनिहरुको अवस्था सामान्य रहेको छ ।


याे सामग्री सेअर गर्नुहाेस्

प्रतिक्रिया दिनुहाेस्

फेसब्रकमा ताजा समाचार प्राप्त गर्न हाम्राे पेज लाइक गर्नुहाेस् ।

ताजा समाचार

राजमार्गमा पहिरोको वितण्डाः पहिरोले दुई वटा बस बगायो

कोटीहोमको अवसर पारेर काठमाडौमा बृहत् साईकल र्‍याली गरिँदै