बागलुङ, २ जेठ २०७८ ।
कोरोना संक्रमितको स्वास्थ्यमा समस्या देखिएपछि शुक्रबार मध्यराति कुश्मिसेरा ल्याइएको छ । बागलुङको जैमिनी नगरपालिका ५ विनामारेका एकजना कोरोना संक्रमितलाई अक्सिजनको आवश्यकता भएपछि जैमिनी कोभिड १९ अस्थाई अस्पताल कुश्मिसेरामा राखेर अक्सिजन दिइएको हो ।
मध्यराति २ बजे उद्दार गरी कुश्मिसेरामा अक्सिजन दिएर उपचार गरेपछि स्वास्थ्यमा सुधार आएको थियो ।
विरामीले थप उपचारको लागि पोखरा जाने भनेपछि जैमिनी नगरपालिकाले सञ्चालन गरेको डेडिकेटेड एम्बुलेन्समा पोखरा लगिएको जैमिनी नगरपालिका स्वास्थ्य शाखा संयोजक गोविन्द प्रसाद आचार्यले जानकारी दिनुभयो ।
३८ बर्षीय ती पुरुषमा गत २७ गते कोरोना पुष्टि भएपछि होम आइशोलेसनमा बस्दा एक्कासी समस्या देखिएको थियो ।
फेसब्रकमा ताजा समाचार प्राप्त गर्न हाम्राे पेज लाइक गर्नुहाेस् ।
प्रतिक्रिया दिनुहाेस्