कुश्मिसेरा र बरेङमा कुकुर आतंक बढ्दो, मोटरसाइकललाई झम्टिँदा दुर्घटना हुने जोखिम

 

सुजन प्रेमी
बागलुङ, ५ साउन २०७८ ।

बागलुङको कुश्मिसेरामा कुकुर आतंक बढ्न थालेको छ । जैमिनी नगरपालिकाको केन्द्र समेत रहेको कुश्मिसेरा बजारमा वेवारिसे कुकुरहरुको आतंक बढ्न थालेको हो ।

डुलुवा कुकुरहरुले बच्चाहरुलाई देखे झम्टिने र राति हिँड्दा कुकुरका कारण समस्या परेको स्थानीय त्रिविक्रम शर्माले जानकारी दिनुभयो । मोटरसाइकललाई देखे पनि कुकुरले झम्टिने गरेकाले दुर्घटनाको जोखिम निम्तिन सक्ने उहाँको भनाई छ ।

कुश्मिसेराको जिपपार्क, तल्लोबजार आइएमई टोल, उपल्लोबजारमा बढि कुकुरको विगविगी देखिएको छ । गुडिरहेको सवारी साधन झम्टिन जाने, किसानहरुले लगाएको बालिनाली माड्ने, खेतबारीमा गएर कुकुरहरु लड्ने हुँदा कृषकहरुले समेत कुकुरबाट हैरानी खेप्नुपरेको शर्माको गुनासो छ ।

कुकुरका कारण दुर्घटनाको जोखिम बढेको र रेविज रोग समेत फैलिने डर भएकाले कुकुरलाई नियन्त्रण गर्नुपर्ने बजारवासीहरुको माग छ ।

यस्तै बरेङ बजारमा पनि वेवारिसे कुकुरको संख्या बढ्न थालेपछि जोखिम बढेको छ । मोटरसाइकललाई झम्टिने र बिच बाटोमा कुद्ने गर्दा जोखिम बढेको बरेङ बासीहरुको गुनासो छ ।

गत असार ३१ गते साँझ ७ बजे बरेङ बजारमा गुडिरहेकाे माेटरसाइकललाई कुकुरले झम्टिँदा दुर्घटना भएकाे थियाे ।

घरपालुवा कुकुरलाई पनि संरक्षण गरेर नराख्दा थप समस्या निम्तिएको प्रहरीले जनाएको छ । कुनै कुकुरहरुले टोकिहाले रेविज विरुद्धको खोप लगाउन स्वास्थ्यकर्मीहरुले आग्रह गरेका छन् ।

याे सामग्री सेयर गर्नुहाेस्
  •  
  •  
  •  
  •  
  •  
  •  

प्रतिक्रिया दिनुहाेस्

ताजा समाचार

याे सामग्री सेयर गर्नुहाेस्
  •  
  •  
  •  
  •  
  •  
  •  

प्रतिक्रिया दिनुहाेस्