बैंक खुलेसँगै कुश्मिसेरामा भिडभाड: काेराेनाकाे जाेखिम बढ्याे, सामान्य कामले पनि मानिसहरु आए

 

सुजन प्रेमी
बागलुङ, २६ जेठ २०७८ ।

बैंक खुलेसँगै बागलुङको कुश्मिसेरामा भिडभाड बढेको छ । जैमिनी नगरपालिकाको केन्द्र कुश्मिसेरामा बुधबार बैंक खुलेसँगै भिडभाड बढेको हो ।

अत्यावश्यकका सेवाग्राहीहरुको लागि मात्रै सेवा दिन बैंक खुलेको भएपनि सामान्य काम लिएर आउनेहरुका कारण थप भिडभाड बढेको ग्लोबल आइएमई बैंक कुश्मिसेरा शाखाका शाखा प्रवन्धक हरि प्रसाद शर्माले जानकारी दिनुभयो ।

बैंकको कार्यलय भित्र बैंकले भिडभाड हुन नदिएपनि बाहिरको भिड रोक्न प्रहरी प्रशासन पनि देखिएका छैनन् । कुश्मिसेरा प्रहरी चौकीले भिडभाड गर्न कुनै चासो नदेखाएको र बैंक खोल्ने जानकारी हुँदापनि सम्भावित भिडलाई कम गर्ने तयारी नगरेको बैंकहरुले गुनासो गरेका छन् ।

कुश्मिसेरामा सबैभन्दा बढि कारोवार हुने ग्लोबल आइएमई बैंक अगाडि बढि भिडभाड देखिएको छ । बैंक खुलेपछि मौका छोप्न खाता खोल्नेदेखि योजनाको काम गर्न बैंकमा आउनेहरुको संख्या बढेका कारण थप समस्या भएको शाखा प्रमुख पौडेलको भनाई छ ।

No description available.

भिडभाडमा बुद्धिजिविहरु नै फाइल च्यापेर हिँडिरहेको कुश्मिसेरा बासीहरुले गुनासो गरेका छन् । कुश्मिसेरामा कोरोना जोखिम भएका ठाउँबाट पनि मानिसहरु आएको भन्दै उनिहरुले आपत्ति जनाएका छन् ।

जिल्ला प्रशासन कार्यलय बागलुङले निषेधाज्ञालाई खुकुलो पर्ने भन्दै आइतबार र बुधबार बिहान ७ बजेदेखि १० बजेसम्म बैंक खुल्ने निर्णय गरे अनुसार कुश्मिसेरामा रहेको राष्ट्रिय बाणिजय बैंक, ग्लोबल आइएमई बैंक र एनएमबी बैंकको कुश्मिसेरा शाखा खुलेका छन् ।

याे सामग्री सेयर गर्नुहाेस्
  •  
  •  
  •  
  •  
  •  
  •  

प्रतिक्रिया दिनुहाेस्

ताजा समाचार

याे सामग्री सेयर गर्नुहाेस्
  •  
  •  
  •  
  •  
  •  
  •  

प्रतिक्रिया दिनुहाेस्