जैमिनीमा दोश्रो राष्ट्रपति रनिङ्गशिल्ड प्रतियोगिता सम्पन्न, राङ्खानी मावि डाँडाखानी प्रथम

 

बागलुङ २१ चैत २०७७ ।

जैमिनी नगरपालिकामा दोश्रो राष्ट्रपति रनिङ्गशिल्ड प्रतियोगिता सम्पन्न भएको छ । चैत १९ गतेदेखि कुश्मिसेरामा भएको प्रतियोगिता शनिवार सम्पन्न भएको हो ।

प्रतियोगितामा राङ्खानी माध्यामिक विद्यालय जैमिनी नगरपालिका १० डाँडाखानी प्रथम, हिमालयन आवासीय माध्यामिक विद्यालय जैमिनी नगरपालिका १ कुश्मिसेरा द्वित्तीय र विजुवा माध्यामिक विद्यालय जैमिनी नगरपालिका ९ पैयुँथन्थाप तृतीय भएका छन् ।

माध्यामिक तहका सबै बिद्यालय सहभागी भएको प्रतियोगितामा प्रथम हुनेले नगद २० हजार रुपैयाँ, द्वित्तीय हुनेले १५ हजार र तृतीय हुनेले १० हजार रुपैयाँ, कप, मेडल र प्रमाणपत्र पुरस्कार प्राप्त गरेको जैमिनी नगरपालिका शिक्षा युवा तथा खेलकुद् शाखाका संयोजक खेम प्रसाद आचार्यले जानकारी दिनुभयो ।

प्रतियोगिता अन्तरगत भलिवल, दौड र रिलेदौड, हाइजम्प, लङजम्प, ट्रिजम्प, ज्याभलिङ थ्रो र सटफुट लगाएतका खेलको आयोजना गरिएको नगरपालिकाले जनाएको छ । सो प्रतियोगितामा छात्र र छात्रा दुवैले भाग लिएका थिए ।

जैमिनी नगरपालिकाको आयोजना र सहारा क्लव कुश्मिसेराको व्यवस्थापनमा भएको प्रतियोगिता सहारा खेल मैदान जैमिनी नगरपालिका २ दुर्लेवेसीमा आयोजना गरिएको थियो ।

याे सामग्री सेयर गर्नुहाेस्
  •  
  •  
  •  
  •  
  •  
  •  

प्रतिक्रिया दिनुहाेस्

ताजा समाचार

याे सामग्री सेयर गर्नुहाेस्
  •  
  •  
  •  
  •  
  •  
  •  

प्रतिक्रिया दिनुहाेस्