बागलुङ, ६ कात्तिक २०७८ ।
अमलाचौर वडा कार्यलयको आधिकारिक फेसबुकबाट एमालेको प्रचार गरेको पाइएको छ । बागलुङ नगरपालिका १२ अमलाचौर स्थित वडा कार्यलयको आधिकारिक फेसबुक आइडीबाट एमालेको प्रचार गरिएको हो ।
कात्तिक ६ गते हुने एमालेको वडा अधिवेशनको विषयमा वडाको फेसबुक आइडीबाट स्टाटस पोष्ट गर्दै उपस्थित हुन आग्रह गरिएको छ । बागलुङ नगरपालिका १२ का वडाध्यक्ष गुरुदत्त पाठक सहितलाई ट्याग गरेर शुक्रबार स्टाटस पोष्ट भएको थियो ।
वडाध्यक्ष पाठक एमालेबाट निर्वाचित वडाध्यक्ष हुुनुहुन्छ । पोष्टमा वडा अधिवेशन सफल बनाउन वडा कार्यलयको भवनमा आउन भनिएको छ ।
वडाको आधिकारिक फेसबुकबाट एमालेको प्रचार गरिएपछि चौतर्फी आलोचना भएको थियो ।
पोष्टको विषयमा टिकाटिप्पणी भएपछि शनिवार बिहान पोष्ट हटाइएको छ ।
यस्तो छ स्टाटस
फेसब्रकमा ताजा समाचार प्राप्त गर्न हाम्राे पेज लाइक गर्नुहाेस् ।
प्रतिक्रिया दिनुहाेस्