Breaking News: नेपाल कम्युनिस्ट पार्टी (नेकपा) प्रचण्ड र केपी दुवैकाे भएन,कट्टेलको पक्षमा फैसला

काठमाडौं, २३ फागुन २०७७ ।

नेपाल कम्युनिस्ट पार्टी (नेकपा) नाम केपी शर्मा ओली र पुष्पकमल दाहाल प्रचण्ड कसैले पनि नपाउने भएका छन् । पार्टीको नाम नेपाल कम्युनिस्ट पार्टी (नेकपा) राख्ने निर्वाचन आयोगको निर्णय सर्वोच्च अदालतले खारेज गरेपछि कुनैले पनि याे नाम नपाउने भएका हुन् ।

न्यायाधीशहरु बमकुमार श्रेष्ठ र कुमार रेग्मीको इजलासले आइतबार ऋषि कट्टेलको पक्षमा फैसला सुनाएको सर्वोच्च अदालत स्रोतले जनाएको छ ।

निर्वाचन आयोगमा ऋषि कट्टेल अध्यक्ष रहेको नेपाल कम्युनिस्ट पार्टी दर्ता भइसकेको अवस्थामा ३ जेठ २०७५ मा तत्कालिन नेकपा एमाले र नेकपा माओवादी केन्द्रबीच एकीकरण भएपछि उक्त पार्टीको नाम पनि नेपाल कम्युनिस्ट पार्टी (ने क पा) राखी निर्वाचन आयोगमा पेश गरेका थिए ।

त्यसलाई निर्वाचन आयोगले मान्यता दिएको थियो । आफ्नो पार्टीको नामसँग मिल्दोजुल्दो नाम दिएर अर्को पार्टी दर्ता गर्न दिएको भन्दै कट्टेलले सर्वोच्च अदालतमा रिट दिनुभएकाे थियाे ।

नेकपा पार्टी प्रचण्ड केपी समुहमा बिभाजन भएपनि औपचारिक रुपमा फुटेको छैन । दुवै समुहले आफुहरु नै आधिकारिक नेकपा भएको भन्दै दावी गर्दै र्निवाचन आयोग पुगेका थिए ।

याे सामग्री सेयर गर्नुहाेस्
  •  
  •  
  •  
  •  
  •  
  •  

प्रतिक्रिया दिनुहाेस्

ताजा समाचार

याे सामग्री सेयर गर्नुहाेस्
  •  
  •  
  •  
  •  
  •  
  •  

प्रतिक्रिया दिनुहाेस्