काठमाडौं । भारतबाट नेपाल भित्रिएको सलह तराईका जिल्लामा फैलिएर बाली नष्ट गर्न थालेपछि किसान चिन्तित बनेका छन ।
सर्लाहीको नवलपुर, बाराको सिमरा र जितपुर तथा रुपन्देहीको भैरहवा र बुटवलमा सलह भित्रिएको कृषि तथा पशुपक्षी विकास मन्त्रालयले पुष्टि गरेको छ । कास्कीको पोखरामा पनि पुगेको आशंका गरिएको छ ।
बिहान ७–८ बजेतिर भित्रिएको सलह सर्लाहीको नवलपुरमा फलफूलका बिरुवा र मकैमा बसेका छन । सिमरा र जितपुरमा काउली, फर्सीको पातलगायत तरकारी बालीमा बसेका छन ।
बुटवलमा भने कागतीको बोटमा बसेको जानकारी आएको मन्त्रालयले जनाएको छ । भारतमा फैलिरहेको सलहको सानो झुन्ड हावाको वेगले उछिट्टिएर नेपालतिर प्रवेश गरेको अनुमान मन्त्रालयले गरेको छ ।
फेसबुकमा ताजा समाचार प्राप्त गर्न हाम्राे पेज लाइक गर्नुहाेस् ।
प्रतिक्रिया दिनुहाेस्