बागलुङ, १ साउन २०७८ ।
जैमिनीमा शुक्रबार ६ सय ५ जनालाई भेरोसेल खोप लगाइएको छ । बागलुङको जैमिनी नगरपालिकाले शुक्रबार ६ सय ५ जनालाई कोरोना विरुद्धको खोप लगाएको हो ।
जैमिनी नगरपालिकाको सर्कुवा, अर्जेवा र राङखानी स्वास्थ्य चौकी बाहेक सबै स्वास्थ्य चोकीबाट ३ सय २ जना महिला र ३ सय ३ जना पुरुषलाई खोप लगाइएको जैमिनी नगरपालिका स्वास्थ्य शाखा संयोजक गोविन्द प्रसाद आचार्यले जानकारी दिनुभयो ।
शुक्रबार कुश्मिसेरामा १ सय १५, दमेकमा २४, नेपानेमा १ सय, विनामारेमा १०, जैदीमा ५४, छिस्तीमा २ सय ५२ र पैञ्युथन्थापमा ५० जनाले खोप लगाएको उहाँको भनाई छ ।
बिहिबारबाट खोप लगाउन सुरु गरिएको भएपनि नेपाने र छिस्तीमा शुक्रबारबाट मात्र खोप लगाउन सुरु भएको छ । बिहिबार नगरपालिका भरी १ हजार ५ सय २८ जनालाई भेरोसेल खोप लगाइएको थियो ।
![](https://i0.wp.com/jillakhabar.com/wp-content/uploads/2023/08/VAT-PAN-Working-Notice.jpg?fit=1080%2C1080&ssl=1)
![](https://i0.wp.com/jillakhabar.com/wp-content/uploads/banner-ad.gif?fit=1140%2C120&ssl=1)
नेपाल सरकारले प्राथमिकतामा राखेको शिक्षक, विद्यालयका कर्मचारी, चालक, सहचालक, विदेश जाने तयारीका नागरिकहरु र ५५ बर्ष माथिका नागरिकहरुलाई खोप लगाइएको संयोजक आचार्यले बताउनुभयो ।
यस अघि प्राथमिकतामा परेर खोप लगाउन छुटेकाहरुलाई पनि खोप लगाइएको नगरपालिकाले जनाएको छ । केहि वडाहरुमा खोप सेवा शनिवार पनि निरन्तर हुनेछ ।
![](https://i0.wp.com/jillakhabar.com/wp-content/uploads/NEWS-Portel-Website.jpg?fit=1080%2C1080&ssl=1)
प्रतिक्रिया दिनुहाेस्