बागलुङ, ३० भदौ २०८० ।
बाल दिवसको अवसरमा बागलुङको जैमिनी नगरपालिकाले बाल प्रतिभा पहिचान कार्यक्रम गरेको छ । ५९ औं राष्ट्रिय बाल दिवसको अवसरमा जैमिनी नगरपालिकाको शिक्षा, युवा तथा खेलकुद शाखाले विविध कार्यक्रमको आयोजना गरेको हो ।
आधारभूत तहका विद्यार्थीहरुको प्रतिभा प्रस्फुटन होस् भन्ने उद्देश्यले विभिन्न विधाको कार्यक्रम आयोजना गरिएको जैमिनी नगरपालिकाका शिक्षा शाखा प्रमुख खेम प्रसाद आचार्यले जानकारी दिनुभयो । कार्यक्रममा नगरपालिकाका १० वटै वडाका विभिन्न विद्यालयबाट विद्यार्थीहरुले सहभागिता रहेको थियो ।
८ वटा विधा मध्ये शुक्रबार ५ वटा विधाको मात्रै प्रतिस्पर्दा भएको थियो । ८ वटा विधद्यामा प्रतिभा प्रस्फुटन गराउने भनिए पनि समय अपुग भएकाले ३ वटा विधाको प्रतियोगिता असोज २ गते गर्ने गरी समय सारिएको नगरपालिकाले जनाएको छ ।
प्रतियोगितामा भाग लिएर प्रथम, द्वित्तीय, तृतीय र सान्तवना स्थान हासिल गर्ने विद्यार्थीहरुलाई नगद सहित पुरस्कृत गरिएको छ ।
![](https://i0.wp.com/jillakhabar.com/wp-content/uploads/NEWS-Portel-Website.jpg?fit=1080%2C1080&ssl=1)
प्रतिक्रिया दिनुहाेस्