म्याग्दी, २६ साउन २०७८ ।
म्याग्दीको बेनी बजारमा आगलागी हुँदा दुई वटा पसल जलेका छन् । बेनी नगरपालिका–८ न्युरोडमा आज बिहान भएको आगलागीमा रघुगङ्गा डेरी र नयन स्टाेर्समा क्षति पुगेको हाे ।
डेरी पसलमा विद्युत सर्ट भएर आगलागी भएको हुनसक्ने भन्दै प्रहरीले आगलागीबाट मानवीय क्षति भने नभएको जनाएको छ ।
बेनी र बागलुङ नगरपालिकाको दुई वटा दमकल, प्रहरी र बजारबासीको सहयोगमा आगो नियन्त्रणमा आएको जिल्ला प्रहरी कार्यालय म्याग्दीले जनाएको छ । क्षतिको विवरण आउन बाँकी छ ।
फेसबुकमा ताजा समाचार प्राप्त गर्न हाम्राे पेज लाइक गर्नुहाेस् ।
प्रतिक्रिया दिनुहाेस्