बागलुङ, १ भदौ २०७८ ।
कोरोना संक्रमणबाट बागलुङमा एक महिलाको मृत्यु भएको छ । बागलुङ नगरपालिका वडा नम्बर १२ अमलाचौरकी एक महिलाको कोरोना संक्रमणका कारण ज्यान गएको हो ।
स्वास्थ्यमा समस्या देखिएपछि अस्पताल ल्याउँदै गर्दा ७० वर्षीया ती महिलाको बाटोमा नै मृत्यु भएको स्वास्थ्य कार्यलय बागलुङका कोरोना फोकल पर्सन देव प्रकाश घिमिरेले जानकारी दिनुभयो ।
आइतबार कोरोना देखिएकी उनलाई स्वास्थ्यमा समस्या भएपछि पोखरा लगिएको थियो तर पोखराका अस्पतालहरुले भर्ना लिन नमानेपछि बागलुङ फर्काउँदै गर्दा बाटोमा नै ज्यान गएको पारिवारिक श्रोतले जानकारी दिएको छ ।
मृतक महिलामा कोभिड निमोनियाको लक्षण देखिएको थियो । बिमारले सिकिस्त भएपछि परिक्षण गर्दा उनमा कोरोना पुष्टि भएको थियो ।
फेसबुकमा ताजा समाचार प्राप्त गर्न हाम्राे पेज लाइक गर्नुहाेस् ।
प्रतिक्रिया दिनुहाेस्