काठमाण्डाै, १८ माघ २०७८ ।
टिपरको ठक्करबाट दुई जनाको ज्यान गएकाे छ भने २ जना घाइते भएका छन् । बर्दियाकाे बढैयाताल गाउँपालिका–३ मा भे १ क १४९५ नम्बरको टिपरको ठक्करबाट घरको आँगनमा आगो तापिरहेका दुई जनाको ज्यान गएको हाे ।
मृत्यु हुनेहरूमा बढैयाताल गाउँपालिका–३ सतपतियाका ४० वर्षीय सोमबहादुर विक र ४७ वर्षीय रामु चौधरी रहेकाे जिल्ला प्रहरी कार्यालय बर्दियाले जनाएको छ। टिपरको ठक्करबाट ३५ वर्षीया प्रमिला चौधरी र ४० वर्षीया बेलमति थारु घाइते भएका छन् । उनीहरुको नेपालगञ्ज शिक्षण अस्पतालमा उपचार भइरहेको छ ।
मृतकका आफन्तले क्षतिपूर्तिको माग गरी नेपालगञ्ज–गुलरिया सडक खण्डको भोलागौडीमा प्रदर्शन गरेका छन् । सम्भावित जाेखिमलाई मध्यनजर गर्दै घटना स्थलमा प्रहरी परिचालन गरिएकाे छ ।
फेसबुकमा ताजा समाचार प्राप्त गर्न हाम्राे पेज लाइक गर्नुहाेस् ।
प्रतिक्रिया दिनुहाेस्