बागलुङ, १५ बैशाख २०७८ ।
कोरोना माहामारीका कारण जैमिनी नगरपालिकाले सम्पूर्ण शिक्षण सस्था १० दिनका लागि बन्द गर्ने निर्णय गरेको छ । मंगलबार बसेको नगर स्तरीय कोभिड १९ रोकथाम तथा नियन्त्रण समितिको बैठकले सम्पूर्ण शिक्षण सस्था दश दिनका लागि बन्द गर्ने निर्णय गरेको हो ।
शिक्षण सस्था बन्द भएपनि बैकल्पिक माध्यमबाट अध्ययन गर्न विद्यार्थीलाई अनुरोध गरिएको नगर शिक्षा प्रमुख खेम प्रसाद आचार्यले जानकारी दिनुभयो । पठनपाठन बन्द भएपनि शिक्षकहरुले स्वास्थ्य सुरक्षा मापदण्ड अपनाएर विद्यालयमा भौतिक उपस्थिति जनाएर परिक्षा लगाएत आन्तरिक तयारी गर्नुपर्नेछ ।
विद्यालयहरु बुधबारदेखि बैशाख २४ गते १० दिनसम्म बन्द हुनेछन् । विद्यालयको अलवा ट्युसन/कोचिङ सेन्टरहरु र सम्पूर्ण परिक्षाका कार्यक्रमहरु पनि बन्द भएको प्रमुख आचार्यले बताउनुभयो ।
फेसबुकमा ताजा समाचार प्राप्त गर्न हाम्राे पेज लाइक गर्नुहाेस् ।
प्रतिक्रिया दिनुहाेस्