दिपेन्द्र परियार
बागलुङ, २७ पुस २०७८ ।
बागलुङको एक बाख्रा फार्ममा आगलागी हुँदा १८ वटा भेडाबाख्रा जलेर नष्ट भएका छन् । जैमिनि नगरपालिका १० राङ्गखानी स्थित जमुना थापा श्रीसको बाख्रा फर्ममा आगलागी हुदाँ १८ भेडाबाख्रा जलेर नष्ट भएका हुन् ।
आईतबार साझ सवा ५ बजे राङखानीको माझगाँउ ठुलो ढुङ्गामा रहेको राङ्गखानी कृषी तथा पशुपक्षीं फर्ममा बिद्युत सर्ट भएर आगलागी हुदाँ रु ४ लाख बराबरको क्षति भएको ईलाका प्रहरी कार्यालय बरेङडाडाले जानकारी दिएको छ । आगलागीमा परेर ३ वटा माउ भेडा, १० वटा माउ बाख्रा र ५ वटा बोका तथा पाठापाठी गरेर कुल १८ भेडा बाख्रा तथा फर्म पुर्ण रुपमा नष्ट भएको प्रहरीले जनाएको छ ।
थापा श्रीसले करिब ३ बर्ष देखि बाख्रा पालन ब्यबसाय गर्दै आउनु भएको थियो । घटना आइतबार भएको भएपनि प्रहरी सोमबार आएर घटनाको मुचुल्का बनाएको छ ।
फेसबुकमा ताजा समाचार प्राप्त गर्न हाम्राे पेज लाइक गर्नुहाेस् ।
प्रतिक्रिया दिनुहाेस्