बागलुङ, १ माघ २०७८ ।
आज जैमिनी महोत्सवको मुल समारोह हुँदै छ । बागलुङको जैमिनी नगरपालिकाको केन्द्र कुश्मिसेरा बजारमा सञ्चालन भैरहेको महोत्सवको आज मुल समारोह हुन लागेको हो ।
कुश्मिसेराको चर्चित माघेसक्रान्ति मेलालाई लक्षित गरी पुस २७ गतेदेखि सुरु भएको महोत्सवको माघ १ गते मुल समारोह गर्न लागिएको आयोजक सहारा क्लव कुश्मिसेराले जनाएको छ । कोरोनाको संक्रमण फैलिँदै गएपछि औपचारिकतामा रहेर मात्रै महोत्सव आयोजना गरिएकाले पूर्व निर्धारित कार्यक्रमहरु पुरा गर्न नसकिएको क्लवका अध्यक्ष सुरेश सुनारले बताउनुभयो ।
मुल समारोहको नेकपा एमालेको पोलिट व्यूरो सदस्य तथा खेलकूद विभागका प्रमुख लिल बहादुर थापा मगरले उद्घाटन गर्ने कार्यक्रम तय गरिएको छ । आज सुगम संगितका चर्चित कलाकार शिव परियार, हाँस्य कलाकार राजेन्द्र नेपाली, लोक दोहोरी कलाकार सरस्वती लामिछाने लगाएतका कलाकारहरु को सांगीतिक प्रस्तुति पनि रहनेछ ।
प्रतिक्रिया दिनुहाेस्