बागलुङ, ३० पुस २०७८ ।
जैमिनी महोत्सवको पाचौँ दिन आज रामजी खाँडको प्रस्तुति संगै विविध कार्यक्रमहरु भएको छ । महोत्सवमा आज लोक तथा दोहोरी गायक रामजी खाँड लगाएतको प्रस्तुति सँगै विविध कार्यक्रमहरु सञ्चालन भएको हो ।
बागलुङको जैमिनी नगरपालिकाको केन्द्र कुश्मिसेरा बजारमा सञ्चालन भैरहेको महोत्सवमा आज मेयर कप भलिवल प्रतियोगिता, डबल ब्याडमिन्टर प्रतियोगिता लगाएतका कार्यक्रम र बिभिन्न कलाकारहरुको साँस्कृतिक प्रस्तुति रहेको आयोजक सहारा क्लव कुश्मिसेराले जनाएको छ ।
आज नै रत्यौली प्रतियोगिता, जैमिनी डान्स आइडल गाएतका कार्यक्रमहरु पनि भएको छ । “स्थानीय कला संस्कृति तथा खेलकुदको सम्वद्र्धन, कृषि उद्योग व्यापार तथा पर्यटनको प्रवद्र्धन” भन्ने मुल नाराका साथ आयोजना गरिएको महोत्सवमा ख्यातिप्राप्त कलाकारहरुद्वारा दैनिक साँस्कृतिक प्रस्तुतिहरु भैरहेको छ ।
महोत्सवको भोलि मुल समारोह हुँदैछ । शनिबार सुगम संगितका चर्चित कलाकार शिव परियार, हाँस्य कलाकार राजेन्द्र नेपाली, लोक दोहोरी कलाकार सरस्वती लामिछाने लगाएतका कलाकारहरु को सांगीतिक प्रस्तुति रहनेछ ।
प्रतिक्रिया दिनुहाेस्