बागलुङ, २९ फागुन २०७९ ।
जैमिनीमा चट्याङ पर्दा २ घरको मिटर बक्समा क्षति पुगेको छ । बागलुङको जैमिनी नगरपालिका ९ पैयुथन्थापको लाम्सुमा सोमबार दिउसो चट्याङ पर्दा २ घरको विद्युत मिटरमना क्षति पुगेको हो ।
लाम्सुको देविराम परियार र मिठु परियारको घरको मिटर बाक्सा पूर्ण रुपमा क्षति पुगेको जैमिनी नगरपालिका ९ की वडासदस्य मिना परियारले जानकारी दिनुभयो । चट्याङले पार्वती परियारको हातमा सामान्य झट्का दिएको छ । देविरामको घरमा बिजुलीको वाइरिङमा समेत क्षति पुगेको छ ।
सोमबार दिउसो ३ बजेपछि जैमिनी सहित आसपासका क्षेत्रहरुमा मेघ गर्जन सहित बर्षा भएको थियो । जैमिनीको वडा नं १० राङ्खानी सहित केहि स्थानमा असिना समेत परेको कृषकहरुले बताएका छन् ।
बर्षाले किसानहरुलाई राहत मिलेको छ भने भित्राउने बेलाको बालीलाई असर पारेको छ ।
फेसबुकमा ताजा समाचार प्राप्त गर्न हाम्राे पेज लाइक गर्नुहाेस् ।
प्रतिक्रिया दिनुहाेस्