बागलुङ, ११ असार २०७९ ।
जनकल्याण माध्यामिक विद्यालय छिस्तीले पुरस्कार तथा छात्रवृत्ति वितरण गरेको छ । बागलुङको जैमिनी नगरपालिका-८ छिस्ती रापुङमा रहेको जनकल्याण मा.वि ले शुक्रबार कक्षा १ देखि १० सम्मका विद्यार्थीहरुलाई पुरस्कार तथा छात्रवृत्ति वितरण गरेको हो ।
नेपाल सरकारबाट प्राप्त दलित तथा छात्राहरुका लागि छात्रवृत्ति, बार्षिक परिक्षामा उत्कृष्ट हुनेहरुलाई पुरस्कार र २१ जनालाई जमूना स्मृति अक्षय कोषको पुरस्कार वितरण गरिएको विद्यालयका प्रधानाध्यापक यम शर्माले जानकारी दिनुभयो । विद्यालयमा अध्ययनरत विद्यार्थीको मृत्यु भएपछि ३५ हजार रुपैयाँको जमूना स्मृति अक्षयकोष स्थापना गरिएकोमा सो रकमको ब्याजबाट २१ जना गरिव तथा जेहेन्दार विद्यार्थीलाई ५ सय रुपैयाँका दरले पुरस्कार वितरण गरिएको उहाँको भनाई छ ।
यस्तै कार्यक्रमको अवसरमा जैमिनी नगरपालिका-८ छिस्तीमा निर्वाचित भएका जनप्रतिनिधिहरुलाई बधाई तथा सम्मान गरिएको छ । वडाध्यक्ष विमल श्रीस, वडा सदस्य जीवन पुन र नारायण प्रसाद पौडेल, महिला सदस्य डम्मर कुमारी पराजुली र दलित महिला सदस्य राधिका नेपालीलाई बधाई तथा सम्मान गरिएको विद्यालय श्रोतले जनाएको छ ।
![](https://i0.wp.com/jillakhabar.com/wp-content/uploads/NEWS-Portel-Website.jpg?fit=1080%2C1080&ssl=1)
प्रतिक्रिया दिनुहाेस्