बागलुङ, १० बैशाख २०७९ ।
धुल्लुबाँस्कोटको एक गोठमा आगलागी हुँदा गोठ जलेर नष्ट भएको छ । आइतबार बिहान ४ बजेतिर बागलुङको बरेङ गाउँपालिका १ धुल्लुबाँस्कोट जिमिरेमा आगलागी हुँदा गोठ पूर्ण रुपमा जलेर नष्ट भएको हो ।
हरिलाल उपाध्यायको टिनको छानो भएको गोठमा आगलागी हुँदा गोठमा भएका घाँसपात र अन्नपात सबै जलेर नष्ट भएको छ । आगलागी के कारणले लाग्यो भन्ने थाहा हुन नसकेको प्रहरीले जनाएको छ ।
बिहान ४ बजे स्थानीयले आगलागी भएको देखेपछि सबै जुटेर आगो नियन्त्रणमा लिएका थिए । गोठमा रहेको भैसी जोगाउन सफल भएपनि गोठमा भएका समुहका भाँडाकुडा लगाएतका सबै सामान भने जलेर नष्ट भएको छ ।
सो गोठमा देवि शर्मा बस्दै आउनुभएको थियो । टिनको छानो सहितको गोठ जलेर पूर्ण रुपमा नष्ट भएपछि शर्माको विचल्ली भएको छ । गत बर्खामा आफ्नो घर अघिबाट पहिरो गएपछि शर्मा छिमेकीको गोठमा बस्दै आउनुभएको थियो । आगलागीका कारण कुनै मानवीय क्षति र अप्रिउ घटना नभएको प्रहरीले जनाएको छ ।
आगलागीबाट करिव डेढ लाख बराबरको क्षति भएको अनुमान गरिएको छ । घटनास्थलमा इलाका प्रहरी कार्यलय बरेङडाँडाको प्रहरी टोली पुगेर घटनाको मुचुल्का र अनुसन्धान गरिरहेको छ ।
प्रतिक्रिया दिनुहाेस्