बागलुङ, २४ कात्तिक २०७९ ।
बागलुङको जैमिनी नगरपालिकाले दिर्घ बिरामीलाई मासिक खर्च प्रदान गर्न लगत संकलन गर्न थालेको छ । बुधबार एक सूचना जारी गर्दै नगरपालिकाले दिर्घ बिरामीलाई मासिक खर्च उपलब्ध गराउन लगत संकलन गर्न लागिएकाले वडा कार्यलयमा कागजात पेश गर्न आग्रह गरेको हो ।
मृगौला प्रत्यारोपण गरेका, डायलाइसिस गराइरहेका, क्यान्सर रोगी र मेरुदण्ड पक्षघातका बिरामीलाई औषधि उपचार गर्न मासिक ५ हजार रुपैयाँ उपलब्ध गराइने भएकाले यसको लागि वडा कार्यलयामा लगत संकलन गर्न थालिएको जैमिनी नगरपालिकाका प्रमुख प्रशासकीय अधिकृत चेतनाथ गिरीले जानकारी दिनुभयो । आवेदन दिनका लागि चिकित्सकले सम्बन्धीत रोग प्रमाणित गरेको हुनुपर्नेछ ।
यो सुविधा प्राप्त गर्न नागरिकताको प्रमाणपत्रको प्रतिलिपि वा जन्म दर्ताको प्रमाणपत्रको प्रतिलिपि, व्यक्तिगत निवेदन र चिकित्सकले रोग प्रमाणित गरेको कागजात सम्बन्धीत वडामा बुझाउनुपर्ने नगरपालिकाले जनाएको छ । कात्तिक २३ गतेको १५ दिनभित्र आवश्यक कागजात वडामा बुझाइसक्न नगरपालिकाले आग्रह गरेको छ ।
यस्ताे छ जैमिनी नगरपालिकाले निकालेकाे सूचना
[googlepdf url=”http://jillakhabar.com/wp-content/uploads/suchana.pdf” width=”100%” height=”600″]
प्रतिक्रिया दिनुहाेस्