बागलुङ, १८ फागुन २०७९ ।
बागलुङको जैमिनीमा एक बालिकाको विभत्स हत्या भएको छ । जैमिनी नगरपालिका ४ सर्कुवा स्थित मौलाछमा करिव २० महिनाको बालिका अर्सा खातुनको विभत्स हत्या भएको हो ।
ठेउले खोला पुल माथि एकान्तमा रहेको सानो घरमा बस्दै आएका २५ बर्षीय सायर दिन मियाले वालिकाको हत्या गरेको हुनसक्ने आशंकामा प्रहरीले उनलाई पक्राउ गरेको छ । पक्राउ पर्ने बालिकाको बाबु रहेको जिल्ला प्रहरी कार्यलय बागलुङले जनाएको छ । उनकी आमा नभएको र हजुआमाहरु पनि अन्यत्र गएको मौका छोपी उनले बालिकालाई हत्या गरेको हुनसक्ने आशंका गरिएको छ । बुधबार साँझ स्थानीयले देखेपछि प्रहरीलाई खबर गरेका थिए । त्यस लगतै उनका बाबुलाई कुश्मिसेरा प्रहरी चौकीको प्रहरी टोलीले नियन्त्रणमा लिएको थियो ।
बुधबार राति जिल्ला प्रहरी कार्यलय बागलुङको टोलीले शवको घटनास्थलमा मुचुल्का गरी पोष्टमार्टमको लागि बागलुङ लगेको छ भने आरोपित मियालाई पनि थप अनुसन्धानको लागि जिल्ला प्रहरी कार्यलय बागलुङ लगिएको छ ।
उनले अन्य समयमा पनि अत्याधिक मादकपदार्थ सेवन गर्ने गरेकोले स्थानीय मादक पदार्थ सेवन गरेर हत्या गरेको हुनसक्ने आशंका गरेका छन् । यसबारेमा पनि उनले मादक पदार्थ सेवन गरे नगरेको परिक्षण गरेर थप अनुसन्धान थालिने प्रहरीले जनाएको छ । उनीहरु अन्यत्रबाट आएर केहि समयदेखि अर्कैको घरमा बस्दै आएका थिए ।
प्रतिक्रिया दिनुहाेस्