सुजन प्रेमी सुवेदी
बागलुङ, ९ असार २०८० ।
बागलुङको जैमिनीले आगामी आर्थिक बर्ष २०८०/८१ का लागि ७२ करोड रुपैयाँको बजेट ल्याएको छ । शनिबार भएको १३ औं नगरसभाको दोस्रो बैठकमा जैमिनी नगरपालिकाका नगर उप प्रमुख हरिहर शर्माले ७२ करोड चार लाख अठसठ्ठी हजार सात सय रुपैयाँको बजेट प्रस्तुत गर्नुभएको हो ।
चालु आर्थिक बर्षका लाथि ७० करोड सत्तरी लाख त्रिहत्तर हजार रुपैयाँको बजेट ल्याएको जैमिनीले आगामी आर्थिक बर्षका लागि झण्डै डेढ करोड बजेट बढाएर ल्याएको छ ।
जैमिनी नगरपालिकाको चालु बर्षमा संसोधन सहित विनियोजन गरेको कुल ७९ करोड ९० लाख ४४ हजार ९ सय ९२ रुपैयाँ मध्ये असार ५ गतेसम्म चालुतर्फ ३४ करोड ६२ लाख ७४ हजार ८ सय १२ रुपैयाँ र पुँजीगत तर्फ १५ करोड ४५ लाख ३२ हजार १ सय ८ रुपैयाँ खर्च भएको उप प्रमुख हरिहर शर्माले जिल्लाखबर डटकमलाई जानकारी दिनुभयो । जैमिनीले चालु आर्थिक बर्षको अन्त्यसम्म ८५ प्रतिशत पुँजीगत खर्च गर्ने लक्ष राखेको छ ।
जैमिनीले आगामी बर्षका लागि कृषि सम्बन्धी अध्ययन र अनुसन्धानका लागि ५ लाख रुपैयाँ बजेट विनियोजन गरेको छ जुन जैमिनीका लागि नयाँ रहेको यस कार्यक्रमले कृषकलाई प्रत्यक्ष लाभ हुने आशा गरिएको छ ।
बाँदरको समस्या रहेको जैमिनीमा यसको नियन्त्रण बाँदरपार्क निर्माण गर्न बजेट विनियोजन भएको छ । बाँदर बगैचा आधार तयार गर्न मात्रै नगरपालिकाले ८ लाख रुपैयाँ छुट्याएको छ । जैमिनीले पूर्वाधार तर्फ नयाँ बाटो खन्ने कामलाई पूर्ण रुपमा निरुत्साहित गरेर भएका संरचनाको मर्मत र स्तरोन्नतिको लागि बजेट छुट्याएको छ । सेवाग्राही सर्वेक्षण देखि कृषि, उत्पादन र पर्यटनको लागि बजेट विनियोजन गरेको जैमिनीले शिक्षा र स्वास्थयलाई पनि उत्तिकै प्राथमिकता दिएर बजेट छुट्याएको छ ।
कार्यक्रमको शुभेक्षा एफ.एम ९६.६ मेगाहर्ज कुश्मिसेरा, सन्ध्या इन्टरटेन्टमेन्ट अनलाइन टिभी र जिल्लाखबर डटकमबाट प्रत्यक्ष प्रशारण गरिएको थियो ।
भिडियाे हेर्नुहाेस् ।
प्रतिक्रिया दिनुहाेस्