Breaking News: जैमिनीमा फेरि थपिए कोरोना संक्रमित, बन्दाबन्दीको पालना गर्न आग्रह

याे सामग्री सेअर गर्नुहाेस्

 

सुजन प्रेमी
बागलुङ, २२ साउन २०७८ ।

बागलुङको जैमिनीमा थप २४ जनाको कोरोना रिपोर्ट पोजेटिभ आएको छ । शुक्रबार जैमिनीका ३ वटा वडाका ५० जनाको एन्टिजेन परिक्षण गर्दा २४ जनामा कोरोना संक्रमण देखिएको हो ।

जैमिनी नगरपालिका वडा नं १ कुश्मिसेरा स्थित कुश्मिसेरा प्राथमिक स्वास्थ्य केन्द्रमा १७ जनाको परिक्षण गर्दा ५ जना, वडा नं ४ सर्कुवाका १८ जनाको परिक्षण गर्दा १० जना र वडा नं ५ विनामारेका १५ जनाको परिक्षण गर्दा ९ जनामा कोरोना संक्रमण पुष्टि भएको जैमिनी नगरपालिकाका स्वास्थ्य शाखा संयोजक गोविन्द प्रसाद आचार्यले जानकारी दिनुभयो ।

जैमिनी नगरपालिकामा कोरोना संक्रमण फैलिरहेकाले नगरपालिकाको केन्द्र कुश्मिसेरामा लकडाउन गरिएको छ । लकडाउनको समयमा अत्यावश्यक बाहेकका पसलहरु नखोल्न र समय तालिका अनुसार मात्रै पसल खोल्न आग्रह गरिएको आचार्यले बताउनुभयो ।

अहिले जैमिनी नगरपालिकाभर ५७ जना कोरोनाका सक्रिय संक्रमितहरु आइशोलेसनमा छन् ती मध्ये ६ जना कुश्मिसेरा स्थित जैमिनी कोभिड १९ अस्थाई अस्पतालमा र बाँकी होम आइशोलेसनमा रहेका छन् ।

उनिहरुको अवस्था सामान्य रहेको संयोजक आचार्यको भनाई छ । कोरोना संक्रमण देखिएर होम आइशोलेसनमा बसेकाहरु बाहिर हिँडडुल नगर्न, बन्दाबन्दीको नियम सबैले पालना गर्न, अत्यावश्यक पसलहरु समयतालिका बाहेक अन्य पसलहरु नखोल्न र सबैले स्वास्थ्य सुरक्षा मापदण्डहरु अनिवार्य पालना गर्न जैमिनी नगरपालिकाले नगरवासीहरुलाई आग्रह गरेको छ ।


याे सामग्री सेअर गर्नुहाेस्

प्रतिक्रिया दिनुहाेस्

फेसब्रकमा ताजा समाचार प्राप्त गर्न हाम्राे पेज लाइक गर्नुहाेस् ।

ताजा समाचार