कुश्मिसेरामा निषेधाज्ञा कडाई बनाउन छलफल, अटेरी गर्नेलाई कारवाहीको लागि सिफारिस गरिने

याे सामग्री सेअर गर्नुहाेस्

 

बागलुङ, २९ साउन २०७८ ।

कुश्मिसेरामा निषेधाज्ञाको अवस्थाबारे अन्तरक्रिया गरिएको छ । निषेधाज्ञा पालना गराउन बनेको अनुगमन समिति र वडा कार्यलयको तर्फबाट निषेधाज्ञाको अवस्था सम्बन्धी जानकारी गराएको हो ।

बागलुङको जैमिनी नगरपालिका १ कुश्मिसेरा बजारमा कोरोना संक्रमितहरु बढ्दै गएपछि निषेधाज्ञा लगाइएको थियो तर निषेधाज्ञाको पालना नभएको गुनासो आएपछि अनुगमन समिति गठन गरी अनुगमन हुन थालेको छ ।

समितिले अनुगमनका क्रममा केहि व्यापारीहरुले अटेर गरेर पसल खोल्ने गरेको र पटक पटक सम्झाउँदा पनि अटेर गर्ने गरेकाले जनप्रतिनिधिहलाई सम्झाउन आग्रह गरिएको समितिका संयोजक क्याप्टेन पदम बहादुर श्रीसले जानकारी दिनुभयो ।

जनप्रतिनिधिले सम्झाउँदा पनि अटेर गरे त्यस्ता व्यवसायीहरुको विवरण नगरपालिकामा दिने र नगरपालिका हुँदै जिल्ला प्रशासन कार्यलयमा समेत कारवाहीको लागि पठाउने समितिले चेतावनी दिएको छ ।


याे सामग्री सेअर गर्नुहाेस्

प्रतिक्रिया दिनुहाेस्

फेसब्रकमा ताजा समाचार प्राप्त गर्न हाम्राे पेज लाइक गर्नुहाेस् ।

ताजा समाचार