सुजन प्रेमी
बागलुङ, १ भदाै २०७८ ।
बागलुङको जैमिनी नगरपालिकामा निषेधाज्ञा फेरि थपिएको छ । सोमबार बसेको सरोकारवालाहरुको बैठकले भदाै ५ गतेसम्मका लागि निषेधाज्ञा थप गरेको हो ।
कोरोना संक्रमणदर नघटेपछि निषेधाज्ञा थप गरिएको जैमिनी नगरपालिकाका नगर प्रमुख ईन्द्रराज पौडेलले जानकारी दिनुभयो । नगरपालिकाको केन्द्र रहेको कुश्मिसेरा बजारमा नै कोरोना संक्रमण फैलिएपछि निषेधाज्ञा गरिएको थियो ।
निषेधाज्ञाको अवधीमा अत्यावश्यकका पसलहरु बाहेक सबै पसल बन्द गर्नुपर्ने जैमिनी नगरपालिकाका प्रमुख प्रशासकीय अधिकृत ज्ञानराज कोइरालाले जानकारी दिनुभयो । उहाँका अनुसार अत्यावश्यकका पसलहरु पनि बिहान ७ देखि १० र साँझ ५ देखि ७ बजेसम्म मात्र खोल्न पाइने छ ।
निषेधाज्ञाको पूर्ण रुपमा पालना गर्न नगरपालिकाले आग्रह गरेको छ । यदि कसैले अवज्ञा गरेमा कानुन बमोजिम कारवाही गरिने नगरपालिकाले चेतावनी दिएको छ ।
![](https://i0.wp.com/jillakhabar.com/wp-content/uploads/2023/08/VAT-PAN-Working-Notice.jpg?fit=1080%2C1080&ssl=1)
![](https://i0.wp.com/jillakhabar.com/wp-content/uploads/banner-ad.gif?fit=1140%2C120&ssl=1)
जिल्ला प्रशासन कार्यलय बागलुङले पनि जिल्लामा भदाै ५ गतेसम्मका लागि कडा निषेधाज्ञा कायम गरिसकेकाे छ ।
![](https://i0.wp.com/jillakhabar.com/wp-content/uploads/NEWS-Portel-Website.jpg?fit=1080%2C1080&ssl=1)
प्रतिक्रिया दिनुहाेस्