झापा, ४ भदाै २०७८ ।
व्यक्तिगत गोपनीयताको ख्याल नगरी भिडियो खिचेको अभियोगमा झापामा युट्युबर पक्राउ परेका छन् । इलाका प्रहरी कार्यालय, अनारमनीले ट्युबर खगेन्द्र घिमिरेसहित व्यवसायी हेमराज भट्टराई र सुवास कार्कीलाई पक्राउ गरेको हो ।
एक होटलमा खाजा खाइरहेका वेला कोठामा प्रवेश गरी विना अनुमित भिडियो खिचेर सार्वजनिक गरी चरित्र हत्या गरेको अभियोग उनीहरुमाथि छ । थप केही युट्युबरको खोजी भइरहेको झापा प्रहरीले जनाएको छ ।
भदौ १ गते भएको घटनाको भिडियो सार्वजनिक भएपछि व्यक्तिगत जीवनको विषय बाहिर ल्याएको भन्दै सामाजिक सञ्जालमा आलोचना भएको थियो । पक्राउ परेकामाथि अभद्र व्यवहार सम्बन्धी कसूरमा अनुसन्धान हुनेछ ।
अहिले युटुवरहरूले अरूकाे चरित्र र गाेपनियतामाथि ख्याल नगरी भिडियाे बनाउने क्रम बढ्दाे छ । पछिल्लो समय उनिहरुले आफुलाई न्यायधिश झैँ कानुन हातमा लिएर अनुसन्धानमा समेत असर पुर्याएको गुनासो आउन थालेको छ ।
प्रतिक्रिया दिनुहाेस्