बागलुङ, २ पुस २०७८ ।
आज कुश्मिसेरा उपल्लोबजारको बाटो बन्द भएको छ । जैमिनी नगरपालिका वडा नं. १ स्थित कुश्मिसेराको उपल्लो बजारको सडक कालोपत्रे गर्न सुरु भएकाले बाटो बन्द गरिएकाे हो ।
आज बिहान साँढे १० बजेदेखि दिउँसो साँढे ४ बजेसम्म बाटो बन्द गरिने जैमिनी नगरपालिकाका ईन्जिनियर विवेक सापकोटाले जानकारी दिनुभयो । बाटो बन्द हुँदा कुश्मिसेरा हेल्थ सेन्टर हुँदै सामरुम्टा ठाडाखेतबाट कुश्मिसेरा उपल्लो बजारको छेउ निस्कने बैकल्पिक बाटो प्रयोग गर्न सकिने उहाँको भनाई छ ।
जैमिनी नगरपालिकाको केन्द्र कुश्मिसेरा उपल्लोबजारमा अहलिे कालोपत्रे गर्ने काम सुरु भएको छ । बिएमए निर्माण सेवाले ५२ लाखमा ठेक्का पाएकोे कुश्मिसेरा उपल्लोबजारको सडक अहिले कालोपत्रेको काम सुरु भएको जैमिनी नगरपालिकाका ईन्जिनियर सापकोटाले बताउनुभयो । केहि मिटर ढलान सहित ३ सय ८० मिटर बाटो पक्की बनाउने गरी ठेक्का सम्झौता गरेको ठेकेदार कम्पनीले अहिले धमाधम ग्राभेल बिछ्याउन सुरु गरेको छ ।
प्रतिक्रिया दिनुहाेस्