जैमिनीको गाजा दह सहित बिभिन्न ठाउँमा हिमपात, चिसोले जनजिवन कष्टकर

बागलुङ, २१ माघ २०७८ ।

बागलुङको जैमिनी नगरपालिकाको बिभिन्न ठाउँमा हिमपात भएको छ । पर्यटकीय स्थल जैमिनी नगरपालिका ३ गाजा दह, गाजाको धुरी, हाँडिकोट सहित माथिल्लो भेगमा हिपात भएको हो ।

हिमपात भएपछि जनजिवन प्रभावित भएको छ । गाजा दह, गाजाको धुरी सहित उपल्लो दमेकको तल्लो भेगसम्म हिउँले सेताम्य भएको छ । यस्तै हाँडिकोट, बिहारथला, नामदुक सहित राङ्खानीको बिभिन्न ठाउँमा हिमपात भएको स्थानीयहरुले बताएका छन् ।

जैमिनीको उच्च भेगहरुमा हिमपात भएपछि कुश्मिसेरा बजार क्षेत्रमा पनि चिसो बढेको छ । हिउँले डाँडा सेतै देखिएपछि अहिले आन्तरिक पर्यटकहरु त्यसतर्फ आकर्षित भएका छन् ।