बागलुङ, २६ बैशाख २०७९ ।
भोलिदेखि बागलुङको जैमिनी नगरपालिकाको सेवा बन्द हुने भएको छ । जैमिनी नगरपालिकाका कर्मचारीहरु आउँदो ३० गते हुने स्थानीय तहको निर्वचनमा खटिएर जानुपर्ने भएकाले बैशाख २७ गतेदेखि ३० गतेसम्म सेवा बन्द गरिएको हो ।
जैमिनी नगरपालिकाका कर्मचारीहरु स्थानीय तहको निर्वाचनका लागि बिभिन्न स्थानमा खटिएकाले तीन दिन सम्मका लागि नगरपालिकाबाट हुने सेवा बन्द गरिएको जैमिनी नगरपालिकाका प्रमुख प्रशासकीय अधिकृत ज्ञानराज कोइरालाले जानकारी दिनुभयो । सोमबार एक सूचना जारी गर्दै मंगलबारदेखि शुक्रबारसम्म सेवा बन्द गरिएको जानकारी गराइएको उहाँको भनाई छ ।
यहि बैशाख ३० गते शुक्रबार स्थानीय तहको चुनाव हुँदैछ । शुक्रबार मतदान गर्ने दिन सरकारले सार्वजनिक बिदा समेत दिएको छ ।
फेसब्रकमा ताजा समाचार प्राप्त गर्न हाम्राे पेज लाइक गर्नुहाेस् ।
प्रतिक्रिया दिनुहाेस्