बागलुङ, ७ फागुन २०७९ ।
हिमालयन आवासीय माध्यामिक विद्यालय कुश्मिसेराको बार्षिकोत्सव सुरु भएको छ । बागलुङको जैमिनी नगरपालिका १ कुश्मिसेरामा अवस्थित विद्यालयको ३१ औं बार्षिकोत्सव आइतबारबाट सुरु भएको हो ।
विभिन्न कार्यक्रम गरी ३ दिनसम्म मनाइने बार्षिकोत्सवको अवसरमा आइतबार विद्यालय स्तरीय विविध प्रतियोगितात्मक कार्यक्रम भएको विद्यालयका प्रिन्सिपल शिवलाल शर्माले जानकारी दिनुभयो । प्रि प्राइमरी तर्फ चकलेट दौड र बेलुन फुटाउने प्रतियोगिता सम्पन्न भएको छ । यस्तै कक्षा १ देखि ५ सम्मको हिसाब दौड र थाल गिलास दौड प्रतियोगिता पनि आइतबार नै सम्पन्न भएको उहाँको भनाई छ ।
कक्षागत एकल नृत्य, र कक्षा ६ देखि कक्षा १० सम्मको सदनात्मक बोरा दौड प्रतियोगिता, भलिवल प्रतियोगिता र रस्साकस्सी प्रतियागिता सम्पन्न गरेको विद्यालयले सोमबार जैमिनी नगरपालिका स्तरीय प्रतियोगिताहरु सञ्चालन गर्ने छ ।
सोमबार जैमिनी नगरपालिकाका विद्यालयहरुविच (कक्षा ६ देखि ८ सम्म) को हाजिरी जवाफ प्रतियोगिता, नगरभरका कक्षा ४ र ५ का विद्यार्थीहरुविच हिसा दौड प्रतियोगिता र नगर स्तरीय कक्षा १ देखि ३ सम्मका विद्यार्थीहरुविच गुच्चा चम्चा दौड प्रतियोगिता हुने छ भने सोमबार नै विद्यालय परिवार तथा अभिभावकहरुविच मैत्रीपूर्ण भलिवल प्रतियोगिता हुने छ ।
फागुन ९ गते मुल समारोहका दिन निजी तथा आवाशीय विद्यालयहरुको छाता संगठन प्याब्सनका बागलुङका जिल्ला अध्यक्ष दल बहादुर थापाले उद्घाट गर्ने विद्यालयले जनाएको छ । सोहि दिन अभिभावक तर्फ तातो आलु प्रतियोगिता र घैटोफोर प्रतियोगिता पनि रहने छ ।
प्रतिक्रिया दिनुहाेस्