बागलुङ, १४ भदौ २०८० ।
बागलुङको सुन्तलाचौर माध्यामिक विद्यालय दमेकमा बाल समूह गठन गरिएको छ । जैमिनी नगरपालिका २ दमेकमा अवस्थित उक्त विद्यालयमा “सुन्तलाचौर मा. बि. बाल समूह” गठन गरिएको हो ।
“बाल बचाउ, बाल संरक्षण, बाल बिकास र बाल सहभागीता, आजबाट नै बालमैत्री समाज निर्माण गर्ने हाम्रो प्रतिबद्धता” भन्ने नारा सहित बुधबार कक्षा १२ की विद्यार्थी सृष्टि सापकोटाको अध्यक्षतामा २५ सदस्यीय बाल समूह गठन गरिएको विद्यालयका प्रधानाध्यापक विष्णु प्रसाद सापकोटाले जानकारी दिनुभयो । समितिको उपाध्यक्षमा इच्छा परियार, सचिवमा महिमा सापकोटा, सह सचिवमा सालिकराम सापकोटा र कोषाध्यक्षमा विवेक सापकोटा चयन हुनुभएको छ ।
कक्षा ४ देखि १२ सम्मका १८ बर्ष मुनिका बालबालिकाहरुको सकृयतामा बाल समुह गठन गरिएको विद्यालयले जनाएको छ । बालसमूह गठन गर्नुको उदेश्य, समूहको काम कर्तव्य र अधिकारको बारेमा प्रधानाध्यापक विष्णु प्रसाद सापकोटाले सहजिकरण गर्नुभएको थियो । समूह गठन कार्यक्रममा विद्यालय व्यवस्थापन समितिका अधयक्ष लक्ष्मी प्रसाद सापकोटा सहित विद्यालयका शिक्षक, विद्यार्थीहरुको सहभागिता रहेको थियो ।
प्रतिक्रिया दिनुहाेस्