अर्जेवाका कृषकहरुलाई बिउ बिजन र औषधि वितरण

बिमल पौडेल
बागलुङ, २१ साउन २०७८ ।

बागलुङको जैमिनी नगरपालिका वडा नं ६ अर्जेवाले वडा भित्रका कृषकहरुलाई बिउ बिजन वितरण गरेको छ । वडा भित्रका ४ सय ८५ घरपरिवारका कृषकहरुलाई सिजन अनुसारको बिउ बिजन वितरण गरिएको हो ।

वडा कार्यालयबाट ५० हजार रुपैया बजेट विनियोजन गरी बिउ बिजन खरिद गरेर वितरण गरिएको वडाध्यक्ष कृष्ण बहादुर थापाले जानकारी दिनुभयो ।  वडाको तर्फबाट ५० हजार रकम बराबरको पशुचौपायको लागि आवश्यक औषधिहरु पनि खरिद गरिएको र किसानहरुलाई आवश्यकताको आधारमा वितरण गरिरहेको थापाले बताउनुभयो ।