काठमाण्डाै, १० भदाै २०७८ ।
माधव नेपाल नेतृत्वकाे नेकपा एकीकृत समाजवादी र महन्थ ठाकुर नेतृत्वकाे लाेकतान्त्रिक समाजवादी पार्टी निर्वाचन आयाेगमा दर्ता भएकाे छ । दुवै दललाई निर्वाचन आयाेगले बुधवार बेलुका दर्ता भएकाे प्रमाणपत्र दिएकाे हाे । याेसँगै दुवै दलले औपचारिक मान्यता पाएका छन् ।
सरकाले जारी गरेकाे राजनीतिक दलसम्बन्धी अध्यादेशमा रहेर माधव नेपाल र महन्थ ठाकुरले नयाँ दल दर्ताका लागि निवेदन दिएका थिए । अध्यादेशमा केन्द्रीय समिति वा संसदीय दलमा २० प्रतिशत सङ्ख्या पुर्याए दल विभाजन गर्न सकिने व्यवस्था छ ।
बुधवार नै निर्वाचन आयाेगले नेकपा एकीकृत समाजवादी र लाेकतान्त्रिक समाजवादी पार्टी दर्ताका लागि दिएकाे निवेदनमा नेताहरूलाई सनाखतका लागि बाेलाएकाे थियाे ।
नेकपा एमाले विभाजन गरी एकीकृत समाजवादी पार्टी गठनका लागि केन्द्रीय कमिटीका ५५ जनाले सनाखत गरेका थिए । यो कुल सदस्य सङ्ख्याको २७ प्रतिशत हो । तर माधव नेपाल पक्षले एक सांसद अपुग हुँदा सङ्घीय संसदमा २० प्रतिशत भने पुर्याउन सकेन । दल दर्ताका लागि एमालेको एक सय ५४ सदस्यीय संसदीय दलका ३० जनाले मात्र सनाखत गरे । याे कुल सङ्ख्याकाे १९ दशमलव ४८ प्रतिशत हाे ।
![](https://i0.wp.com/jillakhabar.com/wp-content/uploads/2023/08/VAT-PAN-Working-Notice.jpg?fit=1080%2C1080&ssl=1)
![](https://i0.wp.com/jillakhabar.com/wp-content/uploads/banner-ad.gif?fit=1140%2C120&ssl=1)
यस्तै राष्ट्रिय सभाका तीन र प्रतिनिधि सभाका ३४ गरी ३७ सांसदमध्ये १५ जनाले सनाखत गरेका छन् । यो कुल सदस्य सङ्ख्याकाे ४० प्रतिशत हाे । उज्यालाे अनलाइनबाट
![](https://i0.wp.com/unncdn.prixacdn.net/media/albums/ncp_madhv_party_registered_ni0bIg7qI7.jpg?resize=696%2C392&ssl=1)
![](https://i0.wp.com/unncdn.prixacdn.net/media/albums/lsp_party_registered_uWZpmA8G4f.jpg?resize=696%2C392&ssl=1)
![](https://i0.wp.com/jillakhabar.com/wp-content/uploads/NEWS-Portel-Website.jpg?fit=1080%2C1080&ssl=1)
प्रतिक्रिया दिनुहाेस्