सुजन प्रेमी
बागलुङ, १२ असोज २०७८ ।
जैमिनी नगरपालिकामा सार्वजनिक सुनुवाई कार्यक्रम हुने भएको छ । असोज १४ गते बिहिबारको दिन जैमिनीमा पालिका स्तरीय सार्वजनिक सुनुवाई हुन लागेको हो ।
जैमिनी नगरपालिकाबाट आर्थिक बर्ष २०७७।७८ मा भएका काम कारवाहीहरु र वडा तहमा भएका सार्वजनिक सेवा प्रवाहको सन्दर्भमा जनताको गुनासो सुन्ने र जवाफदेहिता सहित सवाल जवाफ गर्ने उद्देश्यले सार्वजनिक सुनुवाई कार्यक्रमको आयोजना गरिएको जैमिनी नगरपालिकाका प्रमुख प्रशासकीय अधिकृत ज्ञानराज कोइरालाले जानकारी दिनुभयो ।
बिहान ११ बजेदेखि सुरु हुने कार्यक्रम जैमिनी नगरपालिकाको केन्द्र कुश्मिसेरा बजारमा आयोजना गरिएको छ । कार्यक्रममा नगरपालिकाको सेवा प्रवाह, योजनामा भएका गतिविधि सहित जनप्रतिनिधि र कर्मचारीहरुको सेवा तथा काम कारवाहीबारे नगरवासीहरुले प्रश्न गर्न पाउनेछन् ।
फेसब्रकमा ताजा समाचार प्राप्त गर्न हाम्राे पेज लाइक गर्नुहाेस् ।
प्रतिक्रिया दिनुहाेस्