बागलुङ, ११ मङ्सिर, २०७८ ।
शिक्षा विज्ञान तथा प्रविधि मन्त्री देवेन्द्र पौडेलले आफ्नो कार्यकाल भित्रै शिक्षा क्षेत्रमा सुधारको सुरुवात गर्ने बताउनुभएको छ । शनिबार नेकपा माओवादी केन्द्र जैमिनी नगर अधिवेशनको उद्घाटन गर्दै मन्त्री पौडेलले यस्तो बताउनुभएको हो ।
राजनितिक आफ्नो ठाउँमा रहने भन्दै मन्त्री पौडेलले समग्र शिक्षा क्षेत्रको सुधारका लागि आफ्नो काँधमा जिम्मेवारी आएको बताउनुभयो । लामो समयदेखि स्थायी शिक्षक नियुक्तीका लागि खुल्न नसकोको शिक्षा सेवा आयोगमा अब छिटै विज्ञापन खुलाइने जानकारी दिँदै उहाँले शिक्षा क्षेत्रको मुख्य समस्याको रुपमा रहेको शिक्षक सेवा आयोग प्रति शिक्षा मन्त्रालयले विशेष ध्यान दिएको स्पष्ट पार्नुभयो ।
“अबको शिक्षा व्यवहारिक हुनुपर्छ, विद्यार्थीले पढ्दै कमाउँदै गर्न सकुन्” उहाँले भन्नुभयो “बल्लपो शिक्षा आर्जन गरेको काम लाग्छ, यसले भविश्य निर्माणमा समेत ठुलो महत्व राख्नेछ ।”फरक प्रशंगमा पौडेलले अबको एक वर्षमा माओवादी केन्द्र देशकै पहिलो र ठूलो पार्टी बन्ने दावी गर्नुभयो । माओवादीले संघर्ष गरेर बचाएको देशको अस्तित्वमाथि अरुले रजाईँ गरेको भन्दै मन्त्री पौडेलले जनतामा चेतना ल्याउन माओवादीको भूमिका महत्वपूर्ण रहेको बताउनुभयो ।
मन्त्री पौडेललाई जैमिनी नगरपालिका र शान्ति माध्यामिक विद्यालय कुश्मिसेराले पनि बधाई ज्ञापन गरेको थियो ।
प्रतिक्रिया दिनुहाेस्