काठमाण्डाै, १२ पुस २०७८ ।
अश्लील शिर्षक राखेर भिडियाे बनाउने बागलुङका एक युटुवर पक्राउ परेका छन् । अश्लील शीर्षक राखेर समाजमा अश्लीलता फैलाएको आरोपमा साथीभाइ अनलाइन टीभी नामक युट्युब च्यानलका सञ्चालक रामबहादुर मल्ल पक्राउ परेका हुन् ।
बागलुङकाे निसीखोला गाउँपालिका घर भइ काठमाण्डौ अनामनगर बस्ने मल्ललाई नेपाल प्रहरीको साइबर ब्युरोले पक्राउ गरेको जानकारी गराइएकाे छ । पक्राउ परेका मल्ललाई काठमाण्डौ जिल्ला अदालतबाट पाँच दिनको म्याद थप गरी अनुसन्धान भइरहेको प्रहरीले जनाएको छ ।
उनले युट्युब च्यालनमार्फत अश्लीलता शीर्षकमा भिडिओ राखेर समाजमा अश्लीलता फैलाएको प्रहरीको आरोप छ । उनले के शिर्षक राखेकाे र के विषयकाे भिडियाे बनाएका थिए भन्ने प्रहरीले खुलाएकाे छैन ।
फेसब्रकमा ताजा समाचार प्राप्त गर्न हाम्राे पेज लाइक गर्नुहाेस् ।
प्रतिक्रिया दिनुहाेस्