बागलुङ, ५ चैत २०७८ ।
जैमिनीमा एक पुरुषले झुण्डिएर आत्महत्या गरेका छन् । बागलुङको जैमिनी नगरपालिका २ दमेक काउलेका ४६ बर्षीय टंक बहादुर जिसीले घर नजिकै रुखमा झुण्डिएर आत्महत्या गरेका हुन् ।
मृतक जिसी गत फागुन २५ गतेदेखि नै हराइरहेको र घर नजिकै गन्ध फैलिएपछि खोजी गर्दा शनिबार रुखमा झुण्डिएको अवस्थामा शव फेला परेको जिल्ला प्रहरी कार्यलय बागलुङका प्रहरी निरिक्षक तथा सूचना अधिकारी विजय भण्डारीले जिल्लाखबर डटकमलाई जानकारी दिनुभयो । घरमूनि अम्रिसोको झाँङ भएको र घरबाट करिव आठ सय मिटर पश्चिमपट्टी घरबाट नदेखिने ठाउँमा झण्डिएको अवस्थामा जिसीको सव फेला परेको सूचना अधिकारी भण्डारीले बताउनुभयो ।
उनले के कारणले आत्महत्या गरे भन्ने खुलिसकेको छैन तर घटनास्थलबाट प्रहरीले दुईवटा रक्सीका बोतल र घाँस काट्ने हँसिया फेला पारेको जनाएको छ । उनि घाँस काट्न आएर आत्महत्या गरेको हुनसक्ने प्रहरीको अनुमान छ ।
मृतकको शव पोष्टमार्टमको लागि धौलागिरी अस्पताल बागलुङ लगिएको छ । उनि यस अघिपनि श्रीमतीसँग सामान्य झगडा पर्दा घर छोडेर हिँड्ने र केहि दिनपछि घर आउने गरेको परिवारलाई उदृत गर्दै जिल्ला प्रहरी कार्यलय बागलुङले जनाएको छ ।
प्रतिक्रिया दिनुहाेस्