बागलुङ, १५ जेठ २०७९ ।
आइतबार सम्पर्कविहिन बनेको विमान दुर्घटना भन्दै गलत फोटो प्रयोग गरेर पाठकहरुलाई फेक न्युजको सिकार बनाइएको छ । हेलिकप्टर दुर्घटना भएको पुरानो फोटो प्रयोग गरी आइतबार सम्पर्क विहिन भएको तारा एअरको विमान दुर्घटना भएको भन्दै पाठकहरुलाई फेक न्युजको सिकार बनाइएको हो ।
सामाजिक सञ्जाल प्रयोकर्ताहरुले पुरानो फोटो राख्दै श्रद्धाञ्जली दिन थालेपछि सत्यतथ्य बुझ्दा उक्र तस्विर हेलिकप्टर दुर्घटनाको भएको पुष्टि भएको छ । उक्त तस्विरमा हेलिकप्टरका पंखाहरु प्रष्ट देखिएका छन् । कतिपय अनलाइनहरूले साेहि तस्विर प्रयाेग गर्दै विमान मुस्ताङकाे लेतेमा दुर्घटना भएकाे समाचार लेखेका छन् । तारा एअरले अनाधिकृत रूपमा गलत कुरा सामाजिक सञ्जालमा नलेख्न अनुराेध गरेकाे छ ।
हराएकाे विमान अहिलेसम्म फेला परेकाे छैन ।जहाज खोजीमा परिचालन भएको हेलिकप्टर मौसम खराब भएपछि फर्किएको छ ।
नेपाल नागरिक उड्डन प्राधिकरणका अनुसार विमानको अवस्थाबारे खोजतलासका लागि फिस्टेल हेलिकप्टरलाई पठाइएकोमा प्रतिकुल मौसमका कारण उक्त हेलिकप्टर जोमसोम फर्किएको छ । मौसममा सुधार हुनासाथ हवाइ मार्गबाट खोजी सुरु गरिने र विमानको खोजीका लागि स्थल मार्गबाट नेपाली सेना र नेपाल प्रहरी घोडेपानीतर्फ प्रस्थान गरिरसकेको प्राधिकरणले जनाएकाे छ ।
याे पनि पढ्नुहाेस् ।
हराइरहेको तारा एअरको विमान अझै भेटिएन, दुर्घटनामा परेको खबर अपुष्ट
प्रतिक्रिया दिनुहाेस्