बागलुङ, २४ जेठ २०७९ ।
जैमिनीमा निःशुल्क पशु स्वास्थ्य शिविर सम्पन्न भएको छ । १६ गते जैमिनी ३ कालापातालबाट सुरु भएको पशु स्वास्थ्य शिविर सोमबार छिस्तीमा सम्पन्न भएको हो ।
१६ गते जैमिनी नगरपालिका वडा नं २ र ३ को लागि कालापातालमा, २० गते जैमिनी नगरपालिका वडा नं ९ र १० लाई केन्द्रित गरी वडा नं १० राङ्खानी देउरालीमा, २१ गते वडा नं ६ का लागि अर्जेवा वडा कार्यलयमा, २२ गते वडा नं ७ को लागि जैदीको वडा कार्यलयमा र २३ गते वडा नं ८ लाई केन्द्रित गरी छिस्ती वडा कार्यलयमा पशु स्वास्थ्य शिविर गरिएको जैमिनी नगरपालिका पशु सेवा शाखाका प्रमुख कृष्ण प्रसाद ढकालले जानकारी दिनुभयो ।
निःशुल्क शिविरमा गोबर परिक्षण, पशु बन्ध्याकरण, रेविज खोप लगाएतका सुविधा प्रदान गरिएको थियो । बाँकी रहेका वडाहरु पशु सेवा कार्यलय नजिक रहेकाले कार्यलयमा नै आएर पनि सेवा लिन सकिने ढकालले बताउनुभयो । ती वडाहरुमा शिविर सञ्चालनको विषयमा टुंगो लागेको छैन ।
प्रतिक्रिया दिनुहाेस्