नुवाकोट, १० असोज २०७८ ।
नेपाली कांग्रेस बेलकोटगढी नगर सभापतिमा लेखनाथ मुडवरी विजयी हुनुभएको छ । अर्का प्रतिस्पर्धी कृष्ण प्रसाद पाण्डेलाई पछि पार्दै मुडवरी नुवाकाेटकाे बेलकोटगढी नगरपालिकाको सभापतिमा विजयी हुनुभएको हो ।
नेपाली कांग्रेसको १४ औं महाधिवेशनको कार्यक्रम अन्तरगत शनिबार भएको नगर अधिवेशनमा मुडवरी नेतृत्वको प्यानल नै विजयी भएको निर्वाचन समितिले जानकारी दिएको छ । नगर उपसभापतिमा दुर्गाप्रसाद पुडासैनी र दुर्लभबहादुर तामाङ, सचिवमा प्रेम प्रसाद लामिछाने र हर्कबहादुर तामाङ र सहसचिवमा अर्जुन प्रसाद दाहाल र राजुमान लामा विजयी हुनुभएको छ ।
मुडवरी अर्जुन नरसिंह केसी प्यानलबाट उठ्नुभएको थियो भने कांग्रेस सहमहामन्त्री डा प्रकाशरण महतको समर्थनमा पाण्डेले उम्मेदवारी दर्ता गराउनुभएको थियो । जिल्लामा अहिले केसी, बहादुरसिंह लामा तथा महत प्यानल बनेको छ ।
प्रतिक्रिया दिनुहाेस्