बागलुङ, १० असाेज २०७८ ।
नेपाली कांग्रेस जैमिनी नगर समितिकाे मत गणना सुरू भएकाे छ । नगर अधिवेशनकाे क्रममा भएकाे मतदान पछि केहि बेर अघिबाट मत गणना सुरू भएकाे हाे ।
२ सय ७१ मतदाता मध्ये २ सय ६६ मत खसेकाे र याे समाचार तयार पार्दासम्म एक सय वटा मत गणना भएकाे नेपाली कांग्रेस जैमिनी नगरसमितिले जनाएकाे छ । नेपाली कांग्रेस जैमिनी नगर सभापतिमा वर्तमान नगर सभापति काशिराम आचार्य र दमेकका जन प्रतिनिधि तथा जैमिनी २ का वडा सदस्य समेत रहनुभएका प्रेम सापकोटा विच प्रतिस्पर्धा भएकाे छ । १ सय मत गन्दा आचार्यले ४६ मत र सापकाेटाले ५२ मत प्राप्त गर्नुभएकाे छ ।
उप सभापतिका उम्मेदवार ओम बहादुर केसीले ६२, किरन शर्माले ४७ र विमल श्रीसले ८० मत प्राप्त गर्नुभएकाे छ । नगर सचिव पदका उम्मेदवार बम बहादुर क्षेत्रीकाे लागि ७५ मत, नारायण अधिकारीकाे लागि ३९ मत र शिव कुमार श्रीसकाे लागि ७३ मत खसेकाे निर्वाचन समितिले जानकारी दिएकाे छ । सह सचिवमा ईश्वरी प्रसाद चापागाईँले ३०, डिल्लीराज पौडेलले २७, दिपक सुवेदीले ६८ र बिमल आचार्यले ६३ मत प्राप्त गर्नुभएकाे छ ।
अहिले मतगणना चलिरहेकाे छ ।
प्रतिक्रिया दिनुहाेस्