बागलुङ, २४ मंसिर २०७८ ।
सर्वोदय जनक माध्यामिक विद्यालय बिनामारेमा एक लाख एक सय रूपैयाँकाे अक्षयकाेष स्थापना गरिएकाे छ । आफ्ना मातापिताको सम्झनामा छोराहरु डाक्टर बालकृष्ण आचार्य, नारायण आचार्य र जयराम आचार्यले विद्यालयमा १ लाख १ सय रुपैयाँको अक्षयकोष स्थापना गर्नुभएको हाे ।
बागलुङको जैमिनी नगरपालिका ५ बिनामारेमा अवस्थित विद्यालयमा अध्ययन गर्ने गरिव तथा जेहेन्दार छात्र छात्राहरूकाे पठाइलाई सहयोग पु¥याउन अक्षयकोष स्थापना गरिएको अक्षयकोषका संरक्षक जयराम आचार्यले जानकारी दिनुभयो ।
बिहिबार अक्षयकाेष स्थापना कार्यक्रमको अवसरमा लायन्स क्लब अफ पोखरा युनाइटेड चौतारीका निवर्तमान अध्यक्ष जयराम आचार्य र लायन्स क्लब अफ बागलुङ जैमिनीका सचिव नारायण आचार्यले जैमिनी नगरपालिकाका नगर प्रमुख ईन्द्रराज पौडेल, बिनामारेका वडाध्यक्ष गोपाल प्रसाद शर्मा लगाएतको रोहवरमा विद्यालयका प्रधानाध्यापक र विद्यालय व्यवस्थापन समितिका अध्यक्षलाई एक लाख एक सय रुपैयाँको चेक हस्तानतरण गर्नुभएको थियो । अक्षयकोषदाता आचार्य परिवार विनामारेबासी नै हुनुहुन्छ ।
प्रतिक्रिया दिनुहाेस्