बागलुङ, २० फागुन २०७८ ।
नेपाली कांग्रेसले जैमिनीमा र्याली सहित कोणसभा कार्यक्रम गरेको छ । नेपाली कांग्रेस प्रतिनिधिसभा क्षेत्र नम्बर १ प्रदेशसभा ख को आयोजनामा बिहिबार कुश्मिसेरामा कार्यक्रम सम्पन्न भएको हो ।
“तरुण जागौं, गाउँ जाऔँ, जनता जोगाउँ, कांग्रेस जिताऔँ” भन्ने नारा सहित सुरु गरिएको अभियानको कुश्मिसेराबाट शुभारम्भ गरिएको नेपाली कांग्रेस प्रतिनिधिसभा क्षेत्र नम्बर १ प्रदेशसभा ख का सभापति दल बहादुर श्रीस रानाले जानकारी दिनुभयो । नेपाली कांग्रेसलाई जनताको सँधै साथ रहेको र जनताहरुको मर्का बुझ्न कांग्रेस गाउँ गाउँमा जान थालेको उहाँको भनाई छ ।
कार्यक्रममा सहभागी वक्ताहरुले नेपाली कांग्रेस प्रति अझैपनि जनताको आस्था उत्तिकै रहेको भन्दै देशका कुना कुनामा गएर जनताको मर्का बुझ्नुपर्ने बताएका छन् । नेपाल तरुण दलको आयोजनामा कुश्मिसेरा बजारमा मोटरसाइकल र्याली समेत गरिएको थियो ।
प्रतिक्रिया दिनुहाेस्