बागलुङ, १४ भदौ २०७९ ।
जैमिनी नगरपालिका ९ को हात्तिढुङ्गा मन्दिरमा बनेको संरचनाको बुधबार उद्घाटन हुने भएको छ । बागलुङको जैमिनी नगरपालिका ९ पैयँथन्थाप लाम्सु दोभानमा रहेको शिद्धिविनायक गणेश मन्दिर (हात्तिढुङ्गा)मा बनेको मन्दिर सहितका संरचनाको उद्घाटन गर्न लागिएको हो ।
संरचनाको गण्डकी प्रदेशका उद्योग पर्यटन वाणिज्य तथा आपूर्तिमन्त्री मणिभद्र शर्मा कँडेलले उद्घाटन गर्ने कार्यक्रम रहेको मन्दिर व्यवस्थापन समितिले जानकारी दिएको छ । मन्दिर सहित वरपर सत्तल लगाएत संरचना निर्माण गरिएको छ ।
हात्तिढुङ्गाको नामले परिचित शिद्धिविनायक गणेश मन्दिरलाई जैमिनीको पर्यटकीय गन्तव्यको रुपमा लिइन्छ । अहिले यस स्थानलाई स्थानीय र प्रदेश सरकारले समेत सहयोग गर्न थालेको छ ।
गण्डकी प्रदेशको पर्यटन मन्त्रालयबाट १५ लाख रुपैयााको लागतमा संरचना निर्माण गरिएको मन्दिर व्यवस्थापन समितिका अध्यक्ष उमानन्द शर्माले जानकारी दिनुभयो । मन्दिर सहित र संरचना निर्माण भएपछि त्यहाँ आउने आन्तरिक तथा वाह्य पर्यटकहरुलाई थप सहज हुनेछ ।
प्रतिक्रिया दिनुहाेस्