बागलुङ, ३० कात्तिक २०७९ ।
बागलुङको जैमिनी नगरपालिकाले मंसिर १ र २ गते अत्यावश्यक बाहेकका सेवा बन्द गर्ने भएकोे छ । कर्मचारीहरु मतदानका लागि खटिनुपर्ने भएकाले नगरपालिकाको सेवा बन्द गर्न लागिएको हो ।
अधिकांश कर्मचारीहरुलाई निर्वाचन आयोगले मतदान केन्द्रमा खटाएकाले पालिकाको काम प्रभावित हुने देखेर अत्यावश्यक बाहेकका सेवा बन्द गर्न लागिएको जैमिनी नगरपालिकाका प्रमुख प्रशासकीय अधिकृत चेतनाथ गिरीले जानकारी दिनुभयो । जनताहरुले सामान्य कामको लागि नगरपालिकामा आएर दुःख पाउन नपरोस् भनेर सूचना नै जारी गरेर बन्द गर्न लागिएको उहाँको भनाई छ ।
यहि मंसिर ४ गते हुने प्रतिनिधि सभा र प्रदेश सभा सदस्य निर्वाचनका लागि संघीय सरकारले ४ र ५ गते विदा दिएको भएपनि नगरपालिकाका कर्मचारीहरु अगाडि नै मतदान केन्द्रमा पुगिसक्नुपर्ने भएकाले कर्मचारी अपर्याप्त हुने देखेर सेवा बन्द गरिएको नगरपालिकाले मंगलबार निकालेको सूचनामा उल्लेख छ ।
यस्तो छ जैमिनी नगरपालिकाले निकालेको सूचना
![](https://i0.wp.com/jillakhabar.com/wp-content/uploads/2023/08/VAT-PAN-Working-Notice.jpg?fit=1080%2C1080&ssl=1)
![](https://i0.wp.com/jillakhabar.com/wp-content/uploads/banner-ad.gif?fit=1140%2C120&ssl=1)
![](https://i0.wp.com/jillakhabar.com/wp-content/uploads/NEWS-Portel-Website.jpg?fit=1080%2C1080&ssl=1)
प्रतिक्रिया दिनुहाेस्