काठमाण्डाै, ५ ५भदौ २०८२ ।
गोरखामा भीरबाट लडेर ज्यान गुमाएका एक व्यक्तिको शव निकाल्न जाँदा लडेर अर्का एक व्यक्तिको पनि ज्यान गएको छ । बिहिबार चुमनुव्री गाउँपालिका वडा नम्बर ६ का ४१ वर्षीय छिसे दोर्जेको शव निकाल्न जाँदा मृत्यु भएको हो ।
चुमनुव्री गाउँपालिका वडा नम्बर ६ का ४२ वर्षीय रिनजिन लामा सोमवार बिजुलीको बिल तिरेर घर फर्किने क्रममा बेपत्ता हुनुभएको थियो । गएको सोमवारदेखि हराइरहेका लामाको आज बिहान भीरमा शव भेटिएको थियो । लामाको शव निकाल्ने क्रममा ४१ वर्षीय छिसे दोर्जे पनि चिप्लिएर भीरबाट खस्दा घटनास्थलमै ज्यान गएको जिल्ला प्रहरी कार्यालय गोरखाले जनाएको छ ।
शवको मुचुल्का लगायतका कानूनी प्रक्रिया पूरा गर्न जिल्ला प्रहरी कार्यालयबाट टोली खटाएको गाेरखाका प्रहरी नायब उपरीक्षक (डीएसपी) इन्द्र प्रसाद सुवेदीले जानकारी दिनुभयो । प्रहरी घटनास्थल पुगेपछि दुवै शवको मुचुल्का र पोष्टमार्टम गरिनेछ ।
