पशुपतिको सत्तलमा एक वेवारिसे महिला मृत फेला

काठमाडौं, १२ भदौ २०८२  ।

पशुपतिको सत्तलमा एक वेवारिसे महिला मृत फेला परेकी छिन् । काठमाडौं महानगरपालिका–८ पशुपतिनाथ मन्दिरको सत्तलमा एक महिला मृत भेटिएकी हुन् ।

पशुपति आर्यघाट नजिकैको सत्तलमा अन्दाजी ४५ वर्ष उमेरकी हिला मृत फेला परेको प्रहरीले जनाएको छ । मृत भेटिएकी महिलाको अहिलेसम्म नामथर खुल्न सकेको छैन ।

बिहीबार बिहान मृत भेटिएकी महिलाको परिचय नखुलेकाले अनुसन्धानको काममा असहज भएको प्रहरीले बताएको छ ।